25 лютага 2018 г. — 70 гадоў з дня нараджэння Сцяпана Андрэевіча Мінюка (1948–2008), матэматыка, доктара фізіка-матэматычных навук (1993), прафесара (1994)
Сцяпан Андрэевіч Мінюк нарадзіўся 25 лютага 1948 г. у вёсцы Крывіца Іванаўскага раёна Брэсцкай вобласці. У 1964 г. скончыў Сачыўкаўскую сярэднюю школу, паступіў на матэматычны факультэт Беларускага дзяржаўнага ўніверсітэта імя У. І. Леніна, які скончыў у 1969 г.
1 лістапада 2018 г. — 85 гадоў з дня нараджэння Веры Якаўлеўны Ляшук (1933), літаратуразнаўца, даследчыка беларускай літаратуры і літаратурнага краязнаўства, члена-карэспандэнта Беларускай акадэміі адукацыі, заслужанага работніка вышэйшай школы БССР
Вера Якаўлеўна Ляшук нарадзiлася 1 лістапада 1933 г. у вёсцы Марозавічы Брэсцкага павета Палескага ваяводства (цяпер Брэсцкага раёна Брэсцкай вобласці) у сялянскай сям’і. Бацька, Якаў Рыгоравіч, ведаў шмат казак, песень; маці, Аляксандра Васільеўна, ведала на памяць шмат вершаў рускіх і ўкраінскіх паэтаў. З-за Вялікай Айчыннай вайны Вера Ляшук пайшла ў школу пераросткам: пасля вызвалення ў 1944 г. — у другі клас. Сямігодку заканчвала ў Малых Зводах.
1 кастрычніка 2018 г. — 90 гадоў з дня нараджэння Ракуця Віталя Сцяпанавіча (1928–2012), вучонага ў галіне акушэрства і гінекалогіі, хірурга, прафесара, педагога
Віталь Сцяпанавіч Ракуць нарадзіўся 1 кастрычніка 1928 г. у вёсцы Падлессе Ляхавіцкай гміны Баранавіцкага павета Навагрудскага ваяводства (цяпер Ляхавіцкага раёна Брэсцкай вобласці). Пасля заканчэння ў 1953 г. Мінскага медыцынскага інстытута працягваў вучобу ў клінічнай ардынатуры на кафедры акушэрства і гінекалогіі. У 1960 г. В. С. Ракуць паспяхова абараніў кандыдацкую дысертацыю па тэме «Восстановление жизненных функций организма при асфиксии внутриартериальным введением комплекса лекарственных веществ».
1 жніўня 2018 г. — 95 гадоў з дня нараджэння Міколы (Мікалая Міхайлавіча) Грынчыка (1923–1999), літаратуразнаўца, крытыка, фалькларыста, педагога, заслужанага дзеяча навукі Беларусі
Мікалай Міхайлавіч Грынчык нарадзіўся 1 жніўня 1923 г. у мястэчку Быцень Слонімскага павета Навагрудскага ваяводства (цяпер в. Быцень Івацэвіцкага раёна Брэсцкай вобласці) у вялікай сялянскай сям’і. Пачатковую адукацыю атрымаў у польскай школе, як лепшага вучня яго паслалі вучыцца ў Варшаву. Пасля ўз’яднання Заходняй Беларусі з БССР вучыўся ў Слонімскай беларускай школе № 1, а затым перавёўся ў Косаўскую сярэднюю школу.
23 лютага 2018 г. — 70 гадоў з дня нараджэння Мікалая Мікалаевіча Труша (1948), вучонага-матэматыка, выдатніка адукацыі Беларусі
Мікалай Мікалаевіч Труш нарадзіўся 23 лютага 1948 года ў вёсцы Мосткі Драгічынскага раёна Брэсцкай вобласці. Скончыў Антопальскую сярэднюю школу ў 1966 годзе. Адзін год працаваў настаўнікам матэматыкі Вялікалескай васьмігадовай школы Драгічынскага раёна. У 1967 годзе паступіў на матэматычны факультэт Беларускага дзяржаўнага ўніверсітэта. У 1970 годзе быў пераведзены на факультэт прыкладной матэматыкі, які скончыў у 1972 годзе.
8 студзеня 2018 г. – 75 гадоў з дня нараджэння Сокала Сцяпана Фёдаравіча (1943), юрыста, гісторыка, філосафа, кавалера ордэна «Знак пашаны», выдатніка адукацыі Беларусі
8 студзеня 2018 г. — 75 гадоў з дня нараджэння Сцяпана Рыгоравіча Мулярчыка (1943), вучонага-радыёфізіка, заслужанага работніка адукацыі Беларусі (1996)
Сцяпан Рыгоравіч Мулярчык нарадзіўся 8 студзеня 1943 года ў вёсцы Азярцо Івацэвіцкага раёна Брэсцкай вобласцi. У 1961 годзе паступіў на факультэт радыёфізікі і электронікі Беларускага дзяржаўнага ўніверсітэта, які паспяхова закончыў у 1966 годзе. У 1967 годзе Сцяпан Мулярчык быў асістэнтам кафедры электронных матэматычных машын. Затым была вучоба ў Маскоўскім вышэйшым тэхнічным вучылішчы імя Н. Э. Баўмана (Маскоўскі дзяржаўны тэхнічны ўніверсітэт), мэтавая аспірантура (1968–1971).
26 верасня 2017 г. — 160 гадоў з дня нараджэння Платона Мікалаевіча Жуковіча (1857–1919), гісторыка, прафесара, члена-карэспандэнта Расійскай акадэміі навукм
Платон Мікалаевіч Жуковіч нарадзіўся 26 верасня (8 кастрычніка) 1857 года ў горадзе Пружанах Гродзенскай губерні (цяпер Брэсцкай вобласці) у шматдзетнай сям’і першага настаяцеля Свята-Аляксандра-Неўскага сабора Мікалая Жуковіча (1827–1906).Уплыў бацькі-святара быў вызначальным у лёсе яго дзяцей, асабліва Платона і Барыса.
10 лістапада 2017 г. — 180 гадоў з дня нараджэння Вікенція Васільевіча Макушава (1837–1883), гісторыка, філолага-славіста, члена-карэспандэнта Пецярбургскай Акадэміі навук
Вікенцій Васільевіч Макушаў нарадзіўся 10 лістапада 1837 года ў г. Брэст-Літоўску Гродзенскай губерні (цяпер г. Брэст). Бацька быў членам асобай камісіі для будаўніцтва Брэсцкай крэпасці. Маці па паходжанні полька, са шляхецкага роду Міхайлаўскіх; пасля смерці першага мужа пераехала да родзічаў у Брэст-Літоўск, дзе і пазнаёміліся бацькі будучага славяніста. Сваё свядомае дзяцінства Вікенцій Макушаў правёў у Варшаве.
23 верасня 2017 г. — 80 гадоў з дня нараджэння Алены Георгіеўны Эльяшэвіч (1937), вучонага ў галіне фармацэўтычных навук, выдатніка аховы здароўя Беларусі
Алена Георгіеўна Эльяшэвіч нарадзілася 23 верасня 1937 года ў г. Пінску Палескага ваяводства (цяпер Брэсцкай вобласці). Маці, Соф’я Іванаўна, была акушэрам-гінеколагам. Бацька, Георгій Уладзіміравіч, быў музыкантам, закончыў Варшаўскую кансерваторыю, у час Вялікай Айчыннай вайны служыў на фронце санітарам, аказваў першую медыцынскую дапамогу параненым, дайшоў да Кёнігсберга. Алена Эльяшэвіч у 1954 годзе скончыла СШ № 4 г. Пінска і паступіла на фармацэўтычны факультэт Днепрапятроўскага медыцынскага інстытута, які закончыла ў 1959 годзе.